En previsión dese día, a cidade está chea de actividades culturais e a festa está xusto no centro. Tomade precaución a hora para aparcar, vir con tempo.
Indicamos zonas preferentes gratuitas aínda que dispos aparcadoiros de pago en toda a cidade.
Se a túa decisión é quedar esa noite en Pontevedra, podes explorar a variada oferta, e recomendamos que fagas a reserva canto antes.
Written by Xandre Outeiro on . Posted in Uncategorised.
Pagamento por PayPal
Para facilitar ao máximo os aportes das cuotas anuais, poñemos en marcha por vez primeira a opción de pagamento a través de PayPal. Cun so clic (ou dous:)
Se escolledes esta opción, por favor indicade-o no formulário igualmente.
Para calquera cuestión ou problema que teñades, podedes escribir a Este enderezo de correo está a ser protexido dos robots de correo lixo. Precisa activar o JavaScript para velo..
Written by Trepia A.C. on . Posted in Uncategorised.
Presenta o teu proxecto
En primeiro lugar, pensamos que debes coñecer os espazos dos que dispoñemos, as suas características e os contidos que máis valoramos à hora de decidir levar adiante o teu proxecto. Aínda asi, non te cortes en facer-nos chegar ideas novidosas ou que non encaixen exactamente: estamos abert@s a calquera posibilidade...
O que valoramos
Temporalización
Preferimos que as propostas veñan pechadas nun periodo de tempo concreto, pois iso facilita a organización e o uso compartido dos espazos (coa escola da Asociación e con outros proxectos que se poidan desenvolver).
Se aínda non tes claras as datas concretas, serve con que nos achegues unha proposta inicial que logo poderemos revisar e adaptar en cada caso.
Contidos
Valoramos especialmente aqueles proxectos relacionados coa música tradicional, pero máis aínda se o enfoque se fai dende unha óptica innovadora, na liña xeral da A.C. Trépia: construir novos "espazos" musicais, escénicos ou artísticos en xeral para a cultura tradicional galega.
Espazos
Dispoñemos de duas amplas aulas con capacidade para 11 e 9 persoas respectivamente (atendendo aos protocolos ánti-covid), con ventilación e extracción axeitada, pizarras e equipo de son e proxector; e tamén dun amplo salón de baile - sala multiusos con piso de madeira e espellos, perfecto para actividades de danza ou mesmo proxectos escénicos, dada a grande amplitude. Ademais, na Cultural de Trépia existe unha cociña e outras estáncias que poden ser empregadas para obradoiros de calquera tipo.
"A Cultural" de Trépia está na periferia da cidade, na zona de Mollabao, inda que a pouca distáncia ao centro de Pontevedra fai que sexa facilmente accesíbel a pe, en bicicleta ou mesmo en automóvil (dispoñemos de amplas zonas cercanas de aparcadoiro).
Ubicada na antiga cultural de Salcedo, trata-se dun edifíco con história na cidade, onde durante moitos anos se celebraron bailes e eventos de todo tipo. Recentemente, na A.C. Trépia comezamos a xestionar o espazo, co cal estamos aínda en proceso de acondicionamento e adaptación às necesidades actuais.
Se tes dúbidas, convidamos-te a vir a coñecer de primeira man o local, aínda que no teu proxecto podes incluir -en princípio- so unha referéncia do espazo que precises e as necesidades técnicas básicas.