Skip to main content

Brinquedos

Unha aula para os máis pequenos se iniciaren no mundo da música a través da expresión corporal e mediante o achegamento a conceitos musicais básicos.

Brinquedos I
3 a 6 anos

Brinquedos II
6 a 10 anos

Sonsoles Martinez

Profesora de Acordeón Diatónico

Coordinadora da Escola A.C.Trépia

Dirección e condinación das aulas Brinquedos

  • Brinquedos I

    Unha aula para os máis pequenos se iniciaren no mundo da música a través da expresión corporal e mediante o achegamento a conceitos musicais básicos (coma ton, timbre, volume e intensidade, etc...), mais tamén mediante a aprendizaxe de xogos e cancións infantis tradicionais.
  • Brinquedos II

    Para que o alumnado de primeiro e segundo ciclo de educación primaria (6-10 anos) afonde nos conceptos fundamentais da música, perfeccione as súas destrezas interpretativas e a lectoescritura musical e coñeza en profundidade os instrumentos e especialidades que se imparten na Escola de Trépia coa fin de poder decidir por cal delas lle gustaría decantarse.

Cousas que facemos

Ouvido

Xogos con instrumentos
A través de xogos con instrumentos musicais, obxectos e ruidos que emitimos co noso corpo estimulamos e adestramos auditivamente ás crianzas para facilitar a súa aprendizaxe e expresión musical.

Ritmo

Patróns rítmicos
Sempre con xogos, traballamos o tempo interno e os patróns rítmicos que podemos atopar na música galega.

Canto

Xogos vogais e cancións
Mediante onomatopeias, xogos vogais e cancións tradicionais experimentamos coa nosa voz e aprendemos a sacar o máximo partido a este instrumento.

Instrumentos

Exploración
Aprendemos os rudimentos de instrumentos da música tradicional galega: pandeireta, pandeiro, cunchas, culleres, tambor, bombo, gaita, acordeón diatónico.

Lectoescrita

Material didáctico
Mediante material didáctico atractivo para as crianzas aprendemos a ler e escribir música.

Corpo

Iniciación ao baile tradicional
Facemos exercicios de movemento corporal natural e iniciación ao baile tradicional galego.

Performance

Intervencións musicais en público
Preparamos intervencións musicais en público coa fin de aprender a superar medos e complexos e afianzar a autoestima e as relacións sociais das crianzas.

Lembra:

Organizarán-se dúas quendas segundo idades (de 3 a 7 anos) que funcionarán como aulas unitárias na que @s cativ@s poderán experimentar en grupo cos instrumentos e ritmos da música tradicional, à par que desenvolven a súa musicalidade.

Como podes facer para matricularte

Tes que saber que as prazas son limitadas para axudarnos a garantir unha calidade e atención dedicada.
O mantemento desta aula é de 30€, tamén é importante que os pais vos fagades socios.

Se precisas de máis información podes escribirnos ou pasarte polo horario de visita da escola os martes 19:00 a 20:00 segundo andar, estaremos encantadas de atenderte.